Misjafnt er milli atvinnugreina hversu auðvelt er að fá vinnu í Bretlandi. Góð þumalputtaregla er að hafa efni á því að vera atvinnulaus í 6 mánuði þegar flutt er til landsins.

Heilsugæsla í Bretlandi

Hægt er að finna lista yfir heilsugæslustöðvar, spítala og tannlækna í sínu hverfi á heimasíðu National Health Service með því að slá inn póstnúmer sitt í „Find and choose services“ á :  http://www.nhs.uk/.

Húsnæði

Við bendum á smáauglýsingar á Facebook síðu félagsins.

Eftirfarandi eru ágætar vefsíður fyrir þá sem leita sér að húsnæði til að kaupa eða leigja:

Gumtree.com Mjög mikið af leiguhúsnæði, bæði íbúðir og eignir með meðleigjendum.

Spareroom Mjög góð síða fyrir þá sem vilja leigja með öðrum.

www.zoopla.co.uk/   Hér er hægt að finna húsnæði og fasteigna- og leigumiðlanir eftir landsvæðum og  hverfum.

Primelocation.com

Rightmove.co.uk

Aldrei senda leigumiðlun eða leigusala upplýsingar kortanúmer eða peninga fyrr en þið hafði séð eignina sem auglýst er.
Eðlilegt tryggingargjald (deposit) er 4-6 vikna leiga, oft þurfa námsmenn og fólk sem er nýflutt til landsins að skaffa ábyrgðarmann eða borga tvöfalda tryggingu. Verið bara viss um að leigusalinn setji tryggingarféð í löggildan sjóð (tenancy deposit scheme).

 

Íslenskir námsmenn og skólagjöld í Bretlandi

Vinsamlega sjá heimasíðu UK CISA (UK Council for International Student Affairs) vegna upplýsinga um skólagjöld í Englandi, Wales og N-Írlandi.

Fengum eftirfarandi upplýsingar frá SÍNE félaga í Bretlandi:
„Undir vissum skilyrðum geta einstaklingar frá löndum sem eru utan EU en þó innan EEA fengið að sleppa við háu útlendingagjöldin. Með því að námsmaðurinn EÐA maki hans flokkist undir „Migrant worker“ sem þýðir að áður en nám hefst þarf annar hvor að vera í vinnu í Bretlandi EÐA að „leita“ sér að vinnu. Námsmaðurinn myndi þá þurfa að vera í hlutastarfi með námi sem er ótilgreint hversu mikið það þurfi að vera (þess vegna 1 dagur í mánuði!). Þannig náði ég að lækka mín eigin skólagjöld úr international fees í home fees. Nánar um reglurnar og framkvæmd þessa má finna vefsíðunni:  http://www.ukcosa.org.uk/.”

 

Skattar og launatengd gjöld

Þegar atvinnuleit er hafin eða þegar einstaklingur er þegar komin með vinnu þarf að sækja um „National Insurance Number“. NI númerið er auðkennisnúmer fyrir einstaklinga sem breski skatturinn notar við útreikninga á greiðslum vegna almannatrygginga. Það er hægt að sækja um NI númer hjá Jobcentre Plus í síma 0845 600 0643. Sjá nánari upplýsingar á vefsíðu breska ríkisins.
Gott er að hafa það í huga að þetta ferli getur tekið allt að 6 vikur.

Upplýsingar um skatta má finna á heimasíðu bresku skattayfirvaldanna HMRC.

 

Bankar

Gott er að byrja á því að fá sér bankareikning þegar flutt er til landsins. Það getur verið nauðsynlegt fyrir leigusamninga, atvinnu og almennt til að sýna fram á búsetu í landinu.

 

Skólar og leikskólar

Sjá upplýsingar hér á heimasíðu breska ríkisins bæði um leikskóla og skóla.

Hér eru nánari upplýsingar um leikskólavist í Bretlandi og fjármögnun.

 

Atvinnuleit

Ísland er aðili að EES (EEA: European Economic Area), og því þurfa íslenskir ríkisborgar ekki atvinnuleyfi (visa) í Bretlandi.

Fjölda margar atvinnumiðlanir starfa í Bretlandi. Gott er að hafa í huga að einstaklingur í atvinnuleit er aldrei rukkaður um gjöld fyrir þjónustu atvinnumiðlunar, því er mikilvægt að muna að gefa aldrei upp kortanúmer eða bankaupplýsingar.