Þorrablót Félags Íslendinga í London verður haldið á The Distillers, 66 West Smithfield, London EC1A 9DY þann 2. mars næstkomandi! Miðasalan er hafin og hægt er að nálgast miða með því að smella HÉR eða með því að smella á “We got tickets” auglýsinguna hægra megin á forsíðu heimasíðunnar.

Hvetjum fólk til að tryggja sér miða sem fyrst. Óskir um sætaskipan sendast á info@ifelag.co.uk eigi síðar en 28. febrúar. Reynt verður að fara eftir sérstökum óskum eftir bestu getu.

Ekki missa af yndislegum jólatónleikum sem haldir verða í Christ Church, Chelsea, þann 4. desember nk. kl 19.30!

Auk yndislegrar jólatónlistar verður happdrætti með glæsilegum vinningum m.a. gisting á Hótel Reynihlíð í 2 nætur, 2 miðar í English National Opera, hádegismatur fyrir tvo á Texture Restaurant í London, hamborgarar frá Tommi´s Burger Joint, súkkulaði frá Nóa Síríus svo eitthvað sé nefnt.

Miðarnir eru farnir að seljast vel og því um að gera að tryggja sér miða sem fyrst! Allur ágóði af miðasölu er til styrktar íslenska söfnuðinum í London.

Sjáumst þar og komum okkur í jólagírinn í upphafi aðventunnar.

Jólatónleikar

Íslenski söfnuðurinn í London stendur fyrir jólatónleikum þann 4. desember nk. Tónleikarnir verða haldnir í Christ Church, Chelsea og hefjast kl 19:30. Fram koma Björg Þórhallsdóttir sópran, Bragi Jónsson bassi, Guðný Jónasdóttir selló, Hilmar Örn Agnarsson píanó & orgel og Íslenski kórinn í London. Þetta er kjörið tækifæri til þess að koma og hlusta á hugljúf jólalög og koma sér í jólaskap í upphafi aðventunnar!

Aðgangseyrir er £20 og hægt er að nálgast miða á www.kirkjan.is/london eða í síma 020 8875 1222

******************************

An Icelandic Christmas musical event!
A beautiful candlelit concert featuring some of Iceland’s most celebrated musicians in a lovely central London church.
Date &Time: Tuesday 4th December 2012 at 19.30
Venue: Christ Church, Flood Street, off King’s Road SW3 4AS.
Tickets: £20 admission
Box office: 020 8875 1222
Tickets Online: www.kirkjan.is/london
or contact  arctic.opera@ymail.com

Fimm hressir einstaklingar óskast til bjóða sig fram til nýrrar stjórnar Félags Íslendinga í London veturinn 2012-2013!

Kosningin fer fram á aðalfundi félagsins sunnudaginn 30. september kl. 16:00 í safnaðarheimili sænsku kirkjunnar (eftir messu).

Í hverju felst starfið?
- Að skapa félagslegan vettvang fyrir Íslendinga í borginni
- Að skipuleggja skemmtilega viðburði á borð við þorrablót, jólaball, júróvisjónkvöld, 17. júníhátíð ofl.!

Til hvers að taka þátt?
- Frábær leið til að kynnast nýju fólki og láta gott af sér leiða
- Fín viðbót á ferilskrána fyrir þá sem vilja afla sér reynslu

Allir eru hjartanlega velkomnir á aðalfund og við hvetjum sem flesta til að mæta,  kynna sér starfsemina og bjóða sig fram í embætti! Sendið okkur tölvupóst á info@ifelag.co.uk ef óskað er eftir nánari upplýsingum.

Bestu kveðjur frá fráfarandi stjórn,
Fiffi, Kristín, Jóhanna, Steina og Þorgeir.

Næsta messa verður haldin sunnudaginn 30. september í sænsku kirkjunni kl.15:00. Að venju verður kaffi að henni lokinni í safnaðarheimilinu og eru gestir hvattir til þess að koma með góðgæti á hlaðborðið.  Fermingarfræðsla hefst sama dag og eru foreldrar beðnir um að hafa samband við sr. Steinunni Arnþrúði Björnsdóttur á netfangið steinunn.bjornsdottir@kirkjan.is.  Kór Íslendinga í London syngur og barnastarf verður á sama tíma.

Aðalfundur Íslendingafélagsins verður haldinn eftir messu í safnaðarheimilinu þar sem kjósa þarf nýja stjórn skv. lögum félagsins. Ljóst er að allir fimm stjórnarmeðlimir munu láta af störfum í ár, þ.á.m. þrír eftir þriggja ára öflugt starf, og leitar því félagið því eftir áhugasömum einstaklingum til þess að stýra félaginu í vetur.  Þetta er þrususkemmtilegt félagsstarf, frábær leið til að kynnast Íslendingum í borginni og góð viðbót á ferilskrána fyrir þá sem vilja afla sér reynslu. Við hvetjum sem flesta til þess að mæta, kynna sér starfsemina og bjóða sig fram til embættis.  Sendið tölvupóst á info@ifelag.co.uk  ef óskað er eftir nánari upplýsingum